Версія для друку
Памер шрыфту
+
Фота
Друк

Беларускі павільён на ВДНГ кардынальна зменіцца

Рэканструкцыя беларускага павільёна на ВДНГ пашырыць патэнцыял аб'екта. У Маскве падрабязна абмеркавалі рэалізацыю дызайн-праекта па яго тэхнічным перааснашчэнні. Так, плануецца перавесці гандаль у больш сучасны фармат, павялічыць гандлёвыя плошчы і пашырыць асартымент тавараў. Акрамя таго, на базе рознічных магазінаў арганізуюць работу шоурумаў. А максімальна шырокую лінейку прадставяць у інтэрнэт-сегменце. Праз маркет-плейс будуць арганізаваны і аптовыя продажы. 

«Мы ўжо адкрылі спецыяльную гандлёвую пляцоўку, на якой у дадзены момант ёсць каля 14 тысяч найменняў тавару. Мы вядзем перагаворы з нашымі калегамі вядучых канцэрнаў, рэспубліканскіх органаў дзяржкіравання, каб колькасць гэтых тавараў павялічвалася. На дадзеным этапе ў павільёне 110 прадпрыемстваў. Я думаю, што праз электронную гандлёвую пляцоўку іх можа значна больш», – сказаў Старшыня Дзяржаўнага камітэта па маёмасці Дзмітрый Матусевіч.

Гэта іміджавы аб'ект для краіны – штодзённа пляцоўку наведваюць каля 5 тысяч чалавек. І гэта лічба імкліва расце. Рэканструкцыя можа пачацца ўжо ў наступным годзе. Зараз распрацоўваецца ўся праектна-каштарысная дакументацыя. На час рэканструкцыі гандаль прыпыняць.

Вы можаце знайсці гэту старонку па наступным адрасе:
http://www.gki.gov.by/by/about-press-news-by/view/belaruski-paviljen-na-vdng-kardynalna-zmenitstsa-9222/
© Дзяржкаммаёмасць, 2008-2019
Рэспубліка Беларусь
зав. Чырваназоркавы, 12, 220005, г. Мінск
Выкарыстанне інфармацыі сайта ў камерцыйных мэтах магчыма толькі з дазволу Дзяржкаммаёмасці. Пры выкарыстанні матэрыялаў сайта Дзяржкаммаёмасці спасылка на крыніцу абавязковая.