Версія для друку
Памер шрыфту
+
Фота
Друк

Белкартаграфія ганаравана спецыяльным дыпломам у намінацыі «Мая краіна» XVI Міжнароднага конкурсу дзяржаў - удзельнікаў СНД «Мастацтва кнігі»

Узнагарода ў намінацыі «Мая краіна» прысуджана за падрыхтоўку і выпуск навукова-даведачнага картаграфічнага выдання «Вялікі гістарычны атлас Беларусі».

XVІ Міжнародны конкурс дзяржаў - удзельнікаў Садружнасці Незалежных Дзяржаў «Мастацтва кнігі» прайшоў 30 мая ў Баку. На конкурс прадстаўляліся выданні, якія былі выдадзены ў краінах СНД з 1 ліпеня 2018 года па 29 мая сёлетняга года.

Творчае спаборніцтва кнігавыдаўцоў праводзілася па 10 намінацыях. У намінацыі «Мая краіна» удзельнічалі кнігі аб розных аспектах жыцця, уключаючы мастацкія і фотаальбомы, якія прадстаўляюць дзяржаву ва ўсёй яе разнастайнасці.

Цырымонія ўзнагароджання пераможцаў конкурсу здзейснілася ў рамках правядзення 4-8 верасня 2019 года ў расійскай сталіцы 32-ога Маскоўскага міжнароднага кніжнага кірмашу. Рэспубліка Беларусь прыняла ўдзел у кніжным форуме па запрашэнню Федэральнага агенцтва па друку і масавых камунікацыях Расійскай Федэрацыі ў статусе Ганаровага госця.

На Нацыянальным стэндзе Рэспублікі Беларусь была прадстаўлена прадукцыя, якая выпускаецца РУП «Белкартаграфія», а таксама здзейснілася прэзентацыя ўнікальнага выдання «Вялікі гістарычны атлас Беларусі» у 4-х тамах. Рэспубліканскае ўнітарнае прадпрыемства «Белкартаграфія» на выставе–кірмашу ў Маскве прадставілі дырэктар прадпрыемства Іна Шлык і галоўны рэдактар Галіна Ляхава.

Вы можаце знайсці гэту старонку па наступным адрасе:
http://www.gki.gov.by/by/about-press-news-by/view/belkartagrafija-ganaravana-spetsyjalnym-dyplomam-u-naminatsyi-maja-kraina-xvi-mizhnarodnaga-konkursu-5934/
© Дзяржкаммаёмасць, 2008-2019
Рэспубліка Беларусь
зав. Чырваназоркавы, 12, 220005, г. Мінск
Выкарыстанне інфармацыі сайта ў камерцыйных мэтах магчыма толькі з дазволу Дзяржкаммаёмасці. Пры выкарыстанні матэрыялаў сайта Дзяржкаммаёмасці спасылка на крыніцу абавязковая.