19.11.2020
Камітэтам «Гомельаблмаёмасць» на таргах было прададзена шэсць аб'ектаў нерухомай маёмасці
Камітэт «Гомельаблмаёмасць» правёў таргі па продажы нерухомай маёмасці ў г. Гомелі і ў Гомельскай вобласці, на якіх прададзена 6 з 13 выстаўленых лотаў.
Магчымасці электроннай гандлёвай пляцоўкі Беларускай універсальнай таварнай біржы выкарысталі пяць пакупнікоў, а адзін набыў аб'ект на класічных таргах.
У ходзе аўкцыёнаў быў прададзены былы дзіцячы сад плошчай болей 500 кв. м у Рагачэўскім раёне, які будзе выкарыстоўвацца новым уласнікам для вядзення падсобнай гаспадаркі.
За будынак клуба ў г. Гомелі і гараж у г. Петрыкаве бароліся па 2 удзельніка. Аб'екты былі выстаўлены са зніжэннем кошту на 80% і прададзены болей чым за 83 і 23 тысячы рублёў адпаведна.
Шанц быць адзіным удзельнікам таргоў выкарысталі 2 прэтэндэнта на пакупку, якія набылі аб'екты па пачатковым кошце, роўным базавай велічыні.
Акрамя таго, на аўкцыёне быў прададзены Дварэц у Нароўлі. Да гэтага было сем спроб рэалізаваць яго, але толькі на 8 таргах будынак знайшоў свайго пакупніка.
Падрабязная інфармацыя аб будучых таргах і выстаўленых лотах размешчана на сайтах: Дзяржаўнага камітэта па маёмасці Рэспублікі Беларусь, Гомельскага абласнога выканаўчага камітэта, камітэта «Гомельаблмаёмасць».
