Старшыня Дзяржкаммаёмасці Дзмітрый Матусевіч наведаў ААТ «Белдругпалімер»

Старшыня Дзяржаўнага камітэта па маёмасці Рэспублікі Беларусь Дзмітрый Матусевіч наведаў ААТ «Белдругпалімер», дзе азнаёміўся з вытворчымі магутнасцямі, экспартным патэнцыялам прадпрыемства і ўмовамі працы работнікаў.

У ходзе сустрэчы з працоўным калектывам абмяркоўваліся пытанні асноўнай дзейнасці прадпрыемства, аплаты працы, а таксама хада рэалізацыі інвестыцыйнага праекта па тэхнічнай мадэрнізацыі існуючай вытворчасці палімерных рэгрянулятаў: лініі драблення, мыйкі і гранулявання.

«Сёння прадпрыемствы холдынгу «Белрэсурсы» паказваюць дастаткова добрыя вынікі работы. Аб гэтым гавораць розныя эканамічныя паказчыкі: аб'ём вытворчасці, узровень рэнтабельнасці, чысты прыбытак і іншыя. Аднак трэба адзначыць, што для канкурэнтназдольнасці на ўнутраным і зарубежных рынках трэба праводзіць работу па ўдасканальванні працэсу вытворчасці, рэалізацыі інвестыцыйных праектаў і забеспячэння заслужаных умоў працы і ўзроўня заработнай платы працоўнага калектыву,», – сказаў Дзмітрый Матусевіч.

Старшыня Дзяржкаммаёмасці таксама адзначыў, што асноўнай мэтай інвестыцыйнага праекта ААТ «Белдругпалімер» з'яўляецца павелічэнне аб'ёмаў перапрацоўкі другасных палімерных адыходаў, уцягненне ў перапрацоўку пэўных відаў палімерных адыходаў і павышэнне якасці канчатковага прадукту. 

Асобная ўвага ў рамках сустрэчы была ўдзелена павышэнню заработнай платы працуючых, а таксама перспектывам развіцця турыстычнага патэнцыялу Гродзенскай вобласці.

На сённяшні дзень ААТ «Белдругпалімер» з'яўляецца вядучым прадпрыемствам-перапрацоўшчыкам адыходаў пластмас у Беларусі і адным з найбуйнейшых на постсавецкай прасторы. Прадпрыемства мае два вытворчыя цэхі, якія ўкамплектаваны сучасным абсталяваннем і здатныя забяспечваць увесь цыкл перапрацоўкі адыходаў і вытворчасці гатовых вырабаў.