Адзіны дзень бясплатных кансультацый пройдзе 1 чэрвеня ў агенцтвах па дзяржрэгістрацыі і зямельным кадастры

Адзіны дзень бясплатных кансультацый, прыстасаваны да Міжнароднага дня абароны дзяцей, пройдзе 1 чэрвеня ў агенцтвах па дзяржаўнай рэгістрацыі і зямельным кадастры па ўсёй краіне. Спецыялісты будуць аказваць кансультаванне грамадзянам, прадстаўнікам юрыдычных асоб і індывідуальным прадпрымальнікам.

Пералік пытанняў, па якіх можна звярнуцца за кансультацыяй, шырокі. Гэта пытанні дзяржрэгістрацыі нерухомай маёмасці, праў на яе і здзелак з ёй, у тым ліку дзяржрэгістрацыі прадпрыемства як маёмаснага комплексу; тэхнічнай інвентарызацыі і праверкі характарыстык нерухомай маёмасці; незалежнай ацэнкі (кватэр, нерухомай маёмасці, бізнесу, абсталявання і транспарту, нематэрыяльных актываў, аб'ектаў інтэлектуальнай уласнасці) і экспертызы незалежнасці ацэнкі.

Спецыялісты пракансультуюць па пытаннях кадастравай ацэнкі зямель, зямельных участкаў, парадку прадастаўлення звестак з інфармацыйных рэсурсаў, аператарам якіх з'яўляецца агенцтва. Гаворка ідзе аб рэгістрах нерухомай маёмасці, кошту зямель, зямельных участкаў, рэестрах характарыстык нерухомай маёмасці, адрасоў, коштаў на зямельныя ўчасткі, ацэншчыкаў, адзіным рэестры адміністрацыйна-тэрытарыяльных і тэрытарыяльных адзінак.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/adziny-dzen-bjasplatnyx-kansultatsyj-projdze-1-chervenja-u-agentstvax-pa-dzjarzhregistratsyi-i-zjamelnym-9604/