Базавая арэндная велічыня ў Беларусі з 1 красавіка павялічыцца да 16 рублёў 90 капеек

Такое рашэнне замацавана пастановай Савета Міністраў ад 27 сакавіка 2019 г. № 197. На дадзены момант базавая арэндная велічыня складае 16 рублёў 11 капеек.

Базавая арэндная велічыня выкарыстоўваецца пры разліках арэнднай платы пры арэндзе плошчаў, якія знаходзяцца ў дзяржаўнай уласнасці. Гэта дастасавальна да ўласнасці гаспадарчых таварыстваў, у статутных фондах якіх больш за 50% акцый (долей) знаходзіцца ва ўласнасці Беларусі або яе адміністрацыйна-тэрытарыяльных адзінак, а таксама капітальных пабудоў (будынкаў, збудаванняў), ізаляваных памяшканняў, машына-месцаў, іх частак, уключаючы капітальныя пабудовы (будынкі, збудаванні), ізаляваныя памяшканні, іх часткі на рынках і ў гандлёвых цэнтрах.

Пастанова ўступае ў сілу з 1 красавіка 2019 года.

У сувязі з усталяваннем з 1 красавіка 2019 года базавай арэнднай велічыні ў памеры 16 рублёў 90 капеек, Дзяржкаммаёмасць тлумачыць наступнае:

Згодна з пунктам 3 Палажэння аб парадку вызначэння памеру арэнднай платы пры здачы ў арэнду капітальных пабудоў (будынкаў, збудаванняў), ізаляваных памяшканняў, машына-месцаў, іх частак, зацверджанага Указам Прэзідэнта Рэспублікі Беларусь ад 29 сакавіка 2012 г. № 150 «Аб некаторых пытаннях арэнды і бязвыплатнага карыстання маёмасцю», арэндная плата ўносіцца ў беларускіх рублях зыходзячы з памеру базавай арэнднай велічыні (БАВ), устаноўленай на дзень аплаты.

Пастановай Савета Міністраў Рэспублікі Беларусь ад 27 сакавіка 2019 г. № 197 «Аб устанаўленні памеру базавай арэнднай велічыні» ўсталяваная БАВ ў памеры 16 рублёў 90 капеек, якая прымяняецца з 1 красавіка 2019 года.

Даведачна:

Памер базавай арэнднай велічыні штогод устанаўліваецца з улікам змянення індэкса спажывецкіх цэн за папярэдні год у адносінах да папярэдняга.

Па дадзеных Нацыянальнага статыстычнага камітэта Рэспублікі Беларусь індэкс спажывецкіх цэн за 2018 год у адносінах да 2017 года склаў 104,9%. З улікам дадзенага індэкса базавая арэндная велічыня з 1 красавіка 2019 года складае 16 рублёў 90 капеек (16,11 × 104,9% = 16,89939 ≈16,9).

У сувязі з выкладзеным і ў адпаведнасці з пунктам 8 Указа № 150 Дзяржкаммаёмасць тлумачыць, што па дагаворах арэнды капітальных пабудоў (будынкаў, збудаванняў), ізаляваных памяшканняў, іх частак, якія знаходзяцца ў дзяржаўнай уласнасці, а таксама ва ўласнасці гаспадарчых таварыстваў, у статутных фондах якіх больш за 50 працэнтаў акцый (долей) знаходзіцца ва ўласнасці Рэспублікі Беларусь і (або) яе адміністрацыйна-тэрытарыяльных адзінак:

арэндная плата за сакавік 2019 года, а таксама запазычанасць па арэнднай плаце, што выплачваюцца да 31 сакавіка 2019 года, вызначаюцца зыходзячы з базавай арэнднай велічыні 16 рублёў 11 капеек;

арэндная плата, уключаючы арэндную плату за сакавік 2019 года, а таксама запазычанасць па арэнднай плаце, што выплачваюцца пасля 31 сакавіка 2019 года і па 31 сакавіка 2020 года, вызначаюцца зыходзячы з базавай арэнднай велічыні 16 рублёў 90 капеек;

арэндная плата, выплачаная да 31 сакавіка 2019 года ў перадаплаце за перыяд з 1 красавіка 2019 года зыходзячы з базавай арэнднай велічыні 16 рублёў 11 капеек, пасля 31 сакавіка 2019 года падлягае даплаце, зыходзячы з базавай арэнднай велічыні 16 рублёў 90 капеек.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/bazavaja-arendnaja-velichynja-u-belarusi-z-1-krasavika-pavjalichytstsa-da-16-rubleu-90-kapeek-5292/