Еўразійскі эканамічны форум пройдзе ў маі ў Бішкеку

Еўразійскі эканамічны форум пройдзе 26 мая ў Бішкеку. Яго праграма ўключае пленарнае пасяджэнне з удзелам кіраўнікоў дзяржаў краін Еўразійскага эканамічнага саюза, а таксама шэсць сесій. Тэматыка форума: «Еўразійская эканамічная інтэграцыя ў эпоху глабальных змяненняў. Новыя магчымасці інвестыцыйнай актыўнасці».

Мерапрыемства арыентавана на ўдзел у ім кіраўнікоў буйнога, сярэдняга і малога бізнесу дзяржаў-членаў і трэціх краін, першых асоб дзяржаў-членаў, кіраўнікоў і прадстаўнікоў органаў дзяржаўнай улады краін ЕАЭС, а таксама кіраўнікоў і членаў урадаў трэціх краін, прадстаўнікоў міжнародных, навуковых і адукацыйных арганізацый, зацікаўленых у развіцці ўзаемадзеяння ў рамках саюза.

Як адказалі ў ЕЭК, мэтамі правядзення Еўразійскага эканамічнага форума з'яўляюцца далейшае развіццё эканамічнага супрацоўніцтва дзяржаў-членаў, фарміраванне кааперацыйных сувязей паміж суб'ектамі гаспадарання дзяржаў-членаў і дасягненне сінергетычнага эфекту ад аб'яднання інвестыцыйнага і інавацыйнага патэнцыялаў дзяржаў-членаў, развіццё экспартнага патэнцыялу.

Еўразійскі эканамічны форум з'яўляецца штогадовым дзелавым мерапрыемствам Еўразійскага эканамічнага саюза ў эканамічнай сферы, якое праводзіцца пачаргова ў дзяржаве ЕАЭС, якая старшынствуе ў органах Саюза – Вышэйшым Еўразійскім эканамічным савеце, Еўразійскім міжурадавым савеце і Савеце ЕЭК.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/eurazijski-ekanamichny-forum-projdze-u-mai-u-bishkeku-9231/