Камітэт Віцебскаблмаёмасць правёў аўкцыённыя таргі

Будынак былой аўтаматычнай тэлефоннай станцыі па вуліцы Леніна ў Віцебску, які з'яўляецца помнікам архітэктуры, знайшоў новага ўласніка на аўкцыённых таргах, арганізаваных камітэтам Віцебскаблмаёмасць.

Да канца 2019 года будынак выкарыстоўваўся ў вытворчай дзейнасці РУП «Белтэлекам», а ў апошні час частка пабудовы здавалася ў арэнду – у розныя гады ў ім размяшчаліся аўташкола, ювелірная майстэрня, крамы.

У 2020 годзе з мэтай уцягнення аб'екта ў гаспадарчы абарот было прынята рашэнне аб продажы яго на аўкцыёне, аднак жадаючых набыць будынак па ацэначным кошце не знайшлося.

Пасля ацэначны кошт быў зніжаны на 50%, і ў ходзе таргоў на 24 кроку аўкцыёну будынак былой АТС агульнай плошчай 141 м.кв. з праезнай, пешаходнай часткамі і варотамі быў прададзены за 216 500 бел. руб. прыватнаму прадпрыемству з Віцебска.

Новы ўласнік плануе ў бліжэйшы час адкрыць тут цырульню.

Стоіць адзначыць, што аднымі з найбольш запатрабаваных на рынку нерухомай маёмасці застаюцца аб'екты, размешчаныя на тэрыторыі Аршанскага раёна. Так, 9 верасня, на аўкцыёне за адну базавую велічыню быў прададзены будынак кацельні ў в.Панізоўе. Аб'ект агульнай плошчай 117 м.кв. быў прададзены адзінаму пакупніку – індывідуальнаму прадпрымальніку з Оршы.

Для камітэта Віцебскаблмаёмасць гэта стаў ужо 82-і выніковы аўкцыён у цяперашнім годзе.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/kamitet-vitsebskablmaemasts-praveu-auktsyennyja-targi-7311/