Кошт прададзенага на аўкцыёне аб’екта камунальнай уласнасці Мінска ўзрас больш чым у 5 разоў

Адбыўся электронны аўкцыён па продажы аб’екта нерухомай маёмасці камунальнай уласнасці сталіцы. У выніку таргоў маёмасць была прададзена за кошт, больш чым у 5 разоў перавышаючы пачатковы.

Аператарам гандлёвай пляцоўкі выступала ААТ «Беларуская ўніверсальная таварная біржа». На электронныя таргі ўпершыню выстаўлялася маёмасць, якая знаходзіцца ва ўласнасці Мінска і размешчана ў Маладзечне на вул. Вакзальнай, 2. Разам з капітальным збудаваннем і кабельнай лініяй прадавалася і права заключэння дагавора арэнды зямельнага ўчастка, неабходнага для абслугоўвання нерухомай маёмасці. У выніку спрэчкі двух удзельнікаў аўкцыёну пачатковы кошт продажу, які састаўляў 733,27 руб., узрос да 3629,67 руб. Выкарыстоўвацца будынак будзе па ўзгадненні з Маладзечанскім райвыканкамам.

У гэтым годзе камітэтам «Мінскгармаёмасць» будуць арганізаваны яшчэ два аўкцыёны. З больш падрабязнай інфармацыяй можна азнаёміцца тут.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/kosht-pradadzenaga-na-auktsyene-abekta-kamunalnaj-ulasnastsi-minska-uzras-bolsh-chym-u-5-razou-7604/