Кошт продажу акцый гасцінічнага комплексу зніжаны на 50%

Кошт продажу акцый ААТ «Гасцінічны комплекс «Жлобін» зніжаны на 50%, аўкцыён па продажы акцый Беларуская валютна-фондавая біржа правядзе 28 чэрвеня. 

У якасці лота прапануецца пакет акцый Жлобінскага раёна ў аб'ёме долі дзяржавы – 49,8%. Таварыства спецыялізуецца на прадастаўленні гасцінічных паслуг і здачы ў арэнду нерухомай маёмасці. Ва ўласнасці ААТ будынак гасцініцы плошчай больш за 1 тыс.кв.м, размешчаны ў самым цэнтры Жлобіна.

«Пачатковы кошт продажу акцый з улікам зніжэння на 50% складае Br188,4 тыс. Памер задатку, які падлягае ўнясенню для ўдзелу ў аўкцыёне, – Br18,8 тыс.», – удакладнілі ў камітэце «Гомельаблмаёмасць».

Для набыцця акцый зацікаўленая асоба павінна заключыць дагавор з прафесійным удзельнікам рынку каштоўных папер. Спіс удзельнікаў размешчаны на сайце Беларускай валютна-фондавай біржы. Паведамленне аб правядзенні аўкцыёну апублікавана на сайце Жлобінскага райвыканкама.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/kosht-prodazhu-aktsyj-gastsinichnaga-kompleksu-znizhany-na-50-9601/