Месцы продажу навагодніх елак у Мінску абазначылі на публічнай кадастравай карце

Нацыянальнае кадастравае агенцтва традыцыйна размясціла на Публічнай кадастравай карце слой з ёлачнымі кірмашамі Мінска, на якім можна знайсці самыя актуальныя звесткі аб распалажэнні кропак пакупкі галоўнага навагодняга атрыбута.

Усяго ў сталіцы дзейнічае 75 ёлачных кірмашоў, размешчаных у розных частках горада. Яны прадоўжаць сваю работу да 31 снежня. На пляцоўках традыцыйна прапануюць елкі, сосны, расліны ў дзежках. У некаторых месцах таксама плануюць рэалізоўваць букеты і кампазіцыі з хвойных галін. Час работы і кошт жывых елак устанаўліваюць прадаўцы.