Падпісаны Указ «Аб адчужэнні жылых дамоў у сельскай мясцовасці і ўдасканальванні работы з пустымі дамамі»

Прэзідэнт Беларусі Аляксандр Лукашэнка 24 сакавіка падпісаў Указ № 116 «Аб адчужэнні жылых дамоў у сельскай мясцовасці і ўдасканальванні работы з пустымі дамамі», які накіраваны на спрашчэнне парадку набыцця грамадзянамі жылых дамоў у сельскай мясцовасці і ўцягненне ў абарот невыкарыстоўваемых жылых дамоў і зямельных участкаў.

Указам прадугледжваецца:

• магчымасць адчужэння жылых дамоў у сельскіх населеных пунктах і гарадах раённага падпарадкавання без наяўнасці правасведчых дакументаў на дамы і зямельныя ўчасткі, на якіх яны размешчаны;
• рэгістрацыя здзелак куплі-продажу, мены і дарэння жылых дамоў у сельскім (пасялковым), раённым, гарадскім (горада раённага падпарадкавання) выканаўчым камітэце без спагнання платы;
• наступнае афармленне правасведчых дакументаў на дом і зямельны ўчастак пакупніком;
• удасканальванне парадку работы з пустуючымі (у тым ліку старымі) дамамі;
• фарміраванне з 1 студзеня 2023 г. на базе дзяржаўнай інфармацыйнай сістэмы «Адзіны рэестр маёмасці» дзяржаўнага інфармацыйнага рэсурсу «Адзіны рэестр пустых дамоў» у мэтах аўтаматызацыі работы выканкамаў, павышэння інфармаванасці грамадзян, забеспячэння абароны іх праў і законных інтарэсаў;
• магчымасць паніжэння кошту продажу пустых дамоў на аўкцыёне або без яго правядзення да 1 базавай велічыні;
• спрашчэнне працэдуры зносу непрыгодных для выкарыстання пустых дамоў (шляхам яго ажыццяўлення без распрацоўкі праектнай дакументацыі на знос);
• магчымасць аднаўлення (рэканструкцыі або капітальнага рамонту)  пустога жылога дома на працягу аднаго года яго новым уласнікам.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/padpisany-ukaz-ab-adchuzhenni-zhylyx-damou-u-selskaj-mjastsovastsi-i-udaskanalvanni-raboty-z-pustymi-damami-7926/