Падпісаны Указ па паскарэнні ўцягнення ў гаспадарчы абарот жылых памяшканняў у сельскай мясцовасці

Прэзідэнт Беларусі Аляксандр Лукашэнка падпісаў Указ № 118, накіраваны на павышэнне эфектыўнасці выкарыстання дзяржаўнага жыллёвага фонду і паскарэнне ўключэння ў гаспадарчы абарот жылых памяшканняў, размешчаных у сельскай мясцовасці. Адпаведны нарматыўны прававы акт распрацаваны Дзяржаўным камітэтам па маёмасці.

У прыватнасці, дакументам выключаецца неабходнасць адначасовага вызначэння рыначнага і ацэначнага кошту такіх жылых памяшканняў пры іх адчужэнні на аўкцыёне або без яго правядзення. Пачатковая цана жылля, якое падлягае продажу, будзе вызначацца па яго ацэначным кошце. Пры гэтым Указам прадугледжваецца магчымасць паэтапнага паніжэння кошту адчужаемых жылых памяшканняў аж да адной базавай велічыні.

Пры продажы аднакватэрнага або блакіраванага жылога дома на аўкцыёне з пачатковай цаной, роўнай адной базавай велічыні, зямельны ўчастак, неабходны для абслугоўвання дома, прадастаўляецца пакупніку ў арэнду без правядзення аўкцыёну і спагнання платы за права заключэння дагавора арэнды зямельнага ўчастка.

Указам удакладняецца таксама парадак перадачы жылых памяшканняў, якія знаходзяцца ў бязвыплатным карыстанні гаспадарчых таварыстваў, створаных у адпаведнасці з заканадаўствам аб прыватызацыі, іншым гаспадарчым таварыствам і рэспубліканскім дзяржаўна-грамадскім аб'яднанням.

Рэзюмуючы, варта адзначыць станоўчы ўплыў норм Указа:

1. для дзяржавы – уцягненне ў гаспадарчы абарот незапатрабаваных жылых памяшканняў.

2. для балансатрымальнікаў жылых памяшканняў – скарачэнне выдаткаў на іх утрыманне; скарачэнне выдаткаў па правядзенне незалежнай ацэнкі для вызначэння рыначнага кошту жылых памяшканняў пры іх адчужэнні.

3. для грамадзян – атрыманне магчымасці набыцця жылых памяшканняў па аптымальным кошце.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/padpisany-ukaz-pa-paskarenni-utsjagnennja-u-gaspadarchy-abarot-zhylyx-pamjashkannjau-u-selskaj-mjastsovastsi-9194/