Помнік архітэктуры і тры аб'екта з паніжэннем кошту – тое, што выставіць «Мінскгармаёмасць» на таргі ў лістападзе

Камітэт дзяржаўнай маёмасці Мінгарвыканкама запланаваў у лістападзе правядзенне чатырох аўкцыёнаў па продажы невыкарыстоўваемых аб'ектаў дзяржаўнай уласнасці, паведамілі БЕЛТА ў камітэце «Мінскгармаёмасць». Аб'яўлена аб правядзенні чатырох таргоў, у тым ліку з паніжэннем на 20%, 50% і 80%.

У прыватнасці, 15 лістапада жадаючыя змогуць набыць на адкрытым аўкцыёне будынак крытага гаража на 350 аўтамабіляў па адрасе зав. Альшэўскага, 7/9 і права заключэння дагавора арэнды зямельных участкаў, неабходных для яго абслугоўвання. Пачатковы кошт продажу прадмета аўкцыёну (нерухомай маёмасці і права заключэння дагавора арэнды) зніжана на 50% і складзе трохі больш Br2,6 млн.

Пачатковы кошт аб'екта, выстаўленага на таргі 18 лістапада, зніжаны на 80%. У выніку продаж трох будынкаў рознай ступені гатоўнасці адміністрацыйна-дзелавога прызначэння (незавершаных незакансерваваных капітальных збудаванняў па вул. Карвата 99/16, 99/17, 99/18) і права заключэння дагавора арэнды зямлі стартуе амаль з Br2,4 млн.

На 19 лістапада запланаваны электронныя таргі на пляцоўцы РУП «Інстытут нерухомай маёмасці і ацэнкі» па продажы будынка на вул. Усходняй, 8 у Мар'інай Горцы Мінскай вобласці. Рэалізуецца толькі нерухомая маёмасць, без продажу права заключэння дагавора арэнды зямельнага ўчастка для абслугоўвання аб'екта. Пачатковы кошт лота зніжаны на 20% і крыху перавышае Br3,5 тыс.

І 20 лістапада Мінскі гарадскі цэнтр нерухомай маёмасці выстаўляе на таргі помнік архітэктуры эпохі канструктывізму практычна ў цэнтры сталіцы - на пр.Незалежнасці, 79. Пачатковы кошт чатырохпавярховага будынка са статусам гісторыка-культурнай каштоўнасці з заключэннем дагавора арэнды зямельнага ўчастка – каля Br7 млн (рыначны кошт). Пакупнік зможа выкарыстоўваць будынак пад адміністрацыйна-дзелавы аб'ект. Пры гэтым ён абавязаны не пазней двух гадоў з дня перахода права ўласнасці распрацаваць і зацвердзіць ва ўстаноўленым парадку праектную дакументацыю на будаўніцтва (рэканструкцыю). І на працягу шасці месяцаў з дня яе зацвярджэння прыступіць да пачатку работ на аб'екце. Завяршэнне будаўніцтва таксама не павінна выходзіць за рамкі ўстаноўленых тэрмінаў.

Да слова, у студзені-кастрычніку камітэтам «Мінскгармаёмасць» было выстаўлена на таргі 19 аб'ектаў дзяржуласнасці. Праведзена 34 аўкцыёны, прададзена 15 аб'ектаў на суму Br2,9 млн.

Даведацца падрабязней аб будучых аўкцыёнах можна на сайтах Мінгарвыканкама і Дзяржкаммаёмасці, а таксама на сайце www.au.nca.by.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/pomnik-arxitektury-i-try-abekta-z-panizhennem-koshtu-toe-shto-vystavits-minskgarmaemasts-na-targi-u-listapadze-6254/