Прададзены акцыі ААТ «Буда-Кашалёва-аграсервіс»

У Гомельскай вобласці ў гандлёвай сістэме ААТ «Беларуская валютна-фондавая біржа» прададзены пакет акцый ААТ «Буда-Кашалёва-аграсервіс» у памеры 16,2 % статутнага фонда. У выніку продажы даход бюджэту склаў 106,8 тыс. рублёў.

ААТ «Буда-Кашалёва-аграсервіс» з'яўляецца афіцыйным прадстаўніком ААТ «Мінскі трактарны завод», ААТ «Бабруйскі завод трактарных дэталей і агрэгатаў», ААТ «Кіруючая кампанія холдынга «Мінскі маторны завод», СТАА «Вестэрн-Тэхноладжыс» і ажыццяўляе гарантыйнае і тэхнічнае абслугоўванне прадукцыі, аказвае дапамогу прадпрыемствам у рамонце ўсіх відаў трактароў, вузлоў і агрэгатаў.

Трэба адзначыць, што гэта другі выніковы аўкцыён па продажы акцый, якія належаць дзяржаве. У сакавіку гэтага года Мазырскім раённым выканаўчым камітэтам прададзены пакет акцый ААТ «Універсам «Цэнтральны» у памеры 13,5% статутнага фонда.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/pradadzeny-aktsyi-aat-buda-kashaleva-agraservis-7577/