Прадстаўнікі Дзяржкаммаёмасці прынялі ўдзел у анлайнпасяджэнні Міждзяржсавета па геадэзіі, картаграфіі, кадастры і дыстанцыйным зандзіраванні Зямлі

Прадстаўнікі Дзяржкаммаёмасці прынялі ўдзел у анлайнпасяджэнні Сакратарыята і кіраўнікоў рабочых груп Міждзяржаўнага савета па геадэзіі, картаграфіі, кадастры і дыстанцыйным зандзіраванні Зямлі дзяржаў-удзельніц СНД.

У ходзе мерапрыемства былі разгледжаны пытанні падрыхтоўкі і правядзення XLIII сесіі Міждзяржсавета, вынікі дзейнасці рабочых груп па рэалізацыі палажэнняў пратакола XLII сесіі Міждзяржсавета.

У прыватнасці, удзельнікі нарады абмеркавалі праекты Канцэпцыі супрацоўніцтва дзяржаў-удзельніц СНД у сферы геадэзіі, картаграфіі, геаінфармацыйных тэхналогій, дыстанцыйнага зандзіравання Зямлі, кадастру і рэгістрацыі праў і Плана мерапрыемстваў па рэалізацыі напрамкаў работы Міждзяржсавета да 2025 года, а таксама праект Палажэння аб базавай навукова-тэхнічнай арганізацыі дзяржаў-удзельніц СНД у галіне геадэзіі, картаграфіі, кадастру і дыстанцыйнага зандзіравання Зямлі. Акрамя таго, былі ўнесены прапановы па дапрацоўцы гэтых праектаў да прадстаўлення на XLIII сесіі Міждзяржсавета.

У рамках пасяджэння кіраўнікамі рабочых груп былі прадстаўлены справаздачы аб статусе распрацоўваемых імі праектаў па наступных напрамках: геаграфічныя найменні, вядзенне рэестраў і рэгістраў, кадастравая ацэнка, сістэмы каардынат і вышынь і г.д.

Таксама ўдзельнікі нарады ўдзялілі ўвагу пытанням стварэння сайта і Геапартала Міждзяржсавета, а таксама падрыхтоўкі і выпуску гласарыя сучасных тэрмінаў, якія прымяняюцца ў сферы геадэзіі, картаграфіі, геаінфармацыйных сістэм, кадастру і дыстанцыйнага зандзіравання Зямлі. 

Па выніках абмеркавання быў падрыхтаваны праект парадку дня XLIII сесіі Міждзяржсавета.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/pradstauniki-dzjarzhkammaemastsi-prynjali-udzel-u-anlajnpasjadzhenni-mizhdzjarzhsaveta-pa-geadezii-8509/