РУП «Белкартаграфія» прэзентавала атлас «Дарогамі воінскай славы 1941 – 1945»

У рамках XХVIII Мінскай міжнароднай кніжнай выстаўкі-кірмашу РУП «Белкартаграфія» прэзентавала атлас «Дарогамі воінскай славы 1941 – 1945».

Атлас «Дарогамі воінскай славы 1941 – 1945» – сумесны беларуска-расійскі праект, створаны РУП «Белкартаграфія» і АТ «Роскартаграфія» да 75-годдзя Перамогі ў Вялікай Айчыннай вайне.

У атласе прадстаўлены карты найбуйнейшых бітваў Вялікай Айчыннай вайны, якія маюць найважнейшае значэнне для гісторыі, карты асобных бітваў за гарады і рубяжы, а таксама карты баявых дзеянняў партызан на акупіраваных ворагам тэрыторыях.

Памяць аб цяжкіх дарогах вайны, якія прыйшлося прайсці воінам-пераможцам, захоўваецца ў мемарыяльных комплексах, экспазіцыях музеяў, абелісках палкаводцам і невядомым героям, якія аддалі жыццё за вызваленне народаў ад фашызму. Уся гэта інфармацыя прадстаўлена на сучасных агульнагеаграфічных картах тэрыторыі Беларусі і заходніх абласцей еўрапейскай часткі Расіі.

Тэкставае апісанне найбуйнейшых мемарыялаў і помнікаў дапоўнена слайдамі і фатаграфіямі. Адзін з раздзелаў атласа прысвечаны гарадам воінскай доблесці. Ён напоўнены апісаннямі падзей Вялікай Айчыннай вайны, якія праславілі гэтыя гарады.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/rup-belkartagrafija-prezentavala-atlas-darogami-voinskaj-slavy-1941-1945-7795/