«Брэстаблмаёмасць» выставіла на таргі тры аб'екта гісторыка-культурнай каштоўнасці

Камітэт «Брэстаблмаёмасць» выставіў на электронныя таргі ў жніўні-верасні тры аб'екта гісторыка-культурнай каштоўнасці. 

Усе аб'екты выстаўляюцца з паніжэннем кошту на 80%. Так, у аграгарадку Агарэвічы Ганцавіцкага раёна прадаецца былы панскі дом з прыбудовамі. Кошт лота – Br31,8 тыс. Аднапавярховы брусчаты будынак плошчай 324,3 кв.м мае больш чым стогадовую гісторыю. Калісьці гэтыя месцы належалі багатаму роду Свяжынскіх, а затым – Апацкіх. Дом рэканструявалі ў 90-я гады мінулага стагоддзя. Да нядаўняга часу тут працавала невялікая гасцініца і сталовая мясцовага сельгаспрадпрыемства.

Таргі прызначаны на 30 жніўня і пройдуць на пляцоўцы Беларускай універсальнай таварнай біржы. На працягу месяца з дня продажу пакупнік гісторыка-культурнай каштоўнасці павінен падпісаць ахоўнае абавязацельства. Новы ўласнік можа выкарыстоўваць аб'ект для размяшчэння прамысловай вытворчасці, грамадскага харчавання, гандлю, паслуг, а таксама пад жыллё і для вядзення асабістай падсобнай гаспадаркі з прытрымліваннем заканадаўства аб архітэктурнай, горадабудаўнічай і будаўнічай дзейнасці, ахове навакольнага асяроддзя. Зямельны ўчастак плошчай 2,4 га даецца ў арэнду на 30 гадоў.

На 2 верасня прызначаны таргі па двух гістарычных аб'ектах. Абодва яны знаходзяцца ў Брэсце і ўваходзяць у склад комплекснай матэрыяльнай нерухомай гісторыка-культурнай каштоўнасці «Сістэма фортаў у складзе фартыфікацыйных пабудоў Брэсцкай крэпасці». Парахавы склеп «Ж-З» па зав.Настаўніцкаму і абаронная казарма «А-Б» па вул. Пісьменніка Смірнова пабудаваны ў 1912 годзе. Парахавы склад плошчай 205,1 кв.м прадаецца за Br24,2 тыс. Казармы, чыя плошча ў два разы больш, ацэньваюцца ў Br51,7 тыс. Зямельныя ўчасткі даюцца ў арэнду тэрмінам на 50 гадоў.

Па ўмовах продажу не пазней месячнага тэрміну з даты дзяржаўнай рэгістрацыі перахода права ўласнасці на капітальнае збудаванне пераможца таргоў абавязаны падпісаць у аддзеле культуры Брэсцкага гарвыканкама ахоўнае абавязацельства.

Трэба адзначыць, што па стане на 1 жніўня на арганізаваных камітэтам «Брэстаблмаёмасць» таргах прададзена 62 аб'екта нерухомай маёмасці на Br3,5 млн.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/skarektsiravany-paradak-texnichnaj-inventaryzatsyi-neruxomaj-maemastsi-9652/