Спрошчана працэдура дзяржаўнай рэгістрацыі аднакватэрных жылых дамоў і гаспабудоў

Напярэдадні Прэзідэнт Беларусі Аляксандр Лукашэнка падпісаў Указ № 202, у адпаведнасці з якім спрашчаецца парадак узвядзення і рэканструкцыі аднакватэрных жылых дамоў і нежылых капітальных пабудоў у сельскіх населеных пунктах, пасёлках гарадскога тыпу і гарадах (за выключэннем г. Мінска).

У прыватнасці, дакументам прадугледжана, што будаўніцтва і дзяржаўная рэгістрацыя аб'ектаў магчымы без атрымання дазволаў, без распрацоўкі праектнай дакументацыі і без наступнай прыёмкі іх у эксплуатацыю. 

Пасля ўступлення ўказа ў сілу гэта норма дазволіць скараціць колькасць прадастаўляемых дакументаў, спрашчаючы тым самым працэдуру атрымання тэхнічнага пашпарта і пасведчання аб дзяржрэгістрацыі.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/sproshchana-pratsedura-dzjarzhaunaj-registratsyi-adnakvaternyx-zhylyx-damou-i-gaspabudou-9614/