Станцыі зарадкі электрамабіляў можна знайсці на Публічнай кадастравай карце Дзяржкаммаёмасці

На Публічную кадастравую карту Дзяржкаммаёмасці нанеслі аўтазаправачныя станцыі (АЗС) па ўсёй Беларусі. Раней інфармацыя на карце ўтрымлівалася толькі ў дачыненні станцый сталіцы (г.Мінска) і Мінскага раёна.

Сумесна з РУП «Белоруснефть», ІТАА «Газпромнефть-Белнефтепродукт», ІТАА «Лукойл Белоруссия» спецыялісты ДУП «Нацыянальнае кадастравае агенцтва» Дзяржкаммаёмасці стварылі слой прасторавых даных і нанеслі на Публічную кадастравую карту аўтазаправачныя станцыі Беларусі.

Інфармацыя па кожнай АЗС утрымлівае атрыбутыўныя даныя аб найменні, графіку работы, тыпе паліва, кантактным нумары тэлефона і адрасе запраўкі.

Асобная зручнасць для ўладальнікаў электрамабіляў, - станцыі зарадкі электрамабіляў РУП «Белоруснефть» па ўсёй Беларусі ўпершыню - на Публічнай кадастравай карце!

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/stantsyi-zaradki-elektramabiljau-mozhna-znajstsi-na-publichnaj-kadastravaj-kartse-dzjarzhkammaemastsi-5510/