Старшыня Дзяржаўнага камітэта па маёмасці Дзмітрый Матусевіч прыняў удзел у пасяджэнні Прэзідыума Савета Рэспублікі

Старшыня Дзяржаўнага камітэта па маёмасці Дзмітрый Матусевіч прыняў удзел у выязным пасяджэнні Прэзідыума Савета Рэспублікі ў Смілавічах, падчас якога абмяркоўваліся пытанні ўдасканальвання дзейнасці органаў мясцовага самакіравання.

У гарпасёлку сенатары наведалі цэнтр творчасці дзяцей і моладзі імя Хаіма Суціна, Смілавіцкі сельскі Савет дэпутатаў, дзе азнаёмілася з сацыяльна-эканамічным развіццём населенага пункта, а таксама музей Станіслава Манюшкі. Тут і прайшло выязное пасяджэнне прэзідыума верхняй палаты Парламента. 

Па словах старшыні Савета Рэспублікі Наталлі Качанавай, падобныя мерапрыемствы цяпер будуць праводзіцца двойчы ў месяц у розных рэгіёнах краіны, каб бачыць, чым жывуць сёння людзі на месцах і дзе ёсць праблемы, якія трэба ўрэгуляваць. У Смілавічах сенатары абмеркавалі з прадстаўнікамі мясцовай улады работу па ўцягненні ў гаспадарчы абарот нявыкарыстанай маёмасці, пытанні сферы жыллёва-камунальнай гаспадаркі, развіццё інфраструктуры ў невялікіх населеных пунктах.

Фота БелТА

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/starshynja-dzjarzhaunaga-kamiteta-pa-maemastsi-dzmitryj-matusevich-prynjau-udzel-u-pasjadzhenni-prezidyuma-7324/