Старшыня Дзяржкаммаёмасці Дзмітрый Матусевіч наведаў ААТ «Івацэвічыдрэў»

Старшыня Дзяржаўнага камітэта па маёмасці Дзмітрый Матусевіч наведаў ААТ «Івацэвічыдрэў». Кіраўнік ведамства азнаёміўся з фінансава-гаспадарчай дзейнасцю прадпрыемства, яго экспартным патэнцыялам і ўмовамі працы работнікаў.

У ходзе сустрэчы з працоўным калектывам былі абмеркаваны асноўныя палажэнні Праграмы сацыяльна-эканамічнага развіцця краіны на 2021-2025 гады, мэты і задачы, пастаўленыя на VI Усебеларускім народным сходзе і пытанні, звязаныя з унясеннем змяненняў у Канстытуцыю Рэспублікі Беларусь.

Сустрэча прайшла ў адкрытым фармаце, прадстаўнікі прадпрыемства змаглі задаць пытанні, якія іх цікавілі, і атрымаць кампетэнтныя адказы.

ААТ «Івацэвічыдрэў» – адно з найбуйнейшых беларускіх дрэваапрацоўчых прадпрыемстваў, якое спецыялізуецца на вытворчасці драўняна-стружачных пліт і мэблі. На прадпрыемстве арганізаваны поўны цыкл вытворчасці: ад лесанарыхтовак, транспарціроўкі, першаснага разбірання сыравіны, дрэваапрацоўкі да выпуску гатовых вырабаў. 

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/starshynja-dzjarzhkammaemastsi-dzmitryj-matusevich-navedau-aat-ivatsevichydreu-7947/