Скарэкціраваны парадак тэхнічнай інвентарызацыі нерухомай маёмасці

Скарэкціравана інструкцыя аб падставах прызначэння і парадку тэхнічнай інвентарызацыі нерухомай маёмасці, а таксама праверкі яе характарыстык пры ўчыненні рэгістрацыйных дзеянняў. Гэта прадугледжана пастановай Дзяржаўнага камітэта па маёмасці ад 11 ліпеня 2022 года №23.

Прававым актам, у прыватнасці, аптымізаваны працэс стварэння праектаў раздзела капітальных пабудоў (будынкаў, збудаванняў), ізаляваных памяшканняў, машынамесцаў, зліцця гэтых аб'ектаў нерухомай маёмасці, вычлянення ізаляваных памяшканняў, машынамесцаў з капітальных пабудоў (будынкаў, збудаванняў).

Акрамя таго, з 15 снежня 2022 года стане прасцей атрымаць тэхнічны пашпарт на аб'екты будаўніцтва, узведзеныя або рэканструяваныя ў спрошчаным парадку, а з 1 студзеня 2023-га з'явіцца магчымасць атрымаць падагульняючы тэхнічны дакумент у электронным відзе.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/u-belarusi-skarektsiravany-paradak-vyjaulennja-i-narmalizatsyi-najmennjau-geagrafichnyx-abektau-9651/