У Гродзенскай вобласці на аўкцыёне прададзены соты невыкарыстоўваемы аб'ект нерухомай маёмасці

Камітэтам «Гроднааблмаёмасць» на аўкцыённых таргах рэалізаваны 100-ы  невыкарыстоўваемы аб'ект нерухомай маёмасці – комплекс аб'ектаў былой турбазы ў Слоніме. 

Аб'ект быў выстаўлены на аўкцыён з устанаўленнем пачатковага кошту продажу, роўнага 1 базавай велічыні. Нізкі пачатковы кошт зацікавіў нямала патэнцыяльных пакупнікоў: на ўдзел у аўкцыёне было пададзена дзевяць заявак ад юрыдычных і фізічных асоб, індывідуальных прадпрымальнікаў. Па выніках таргоў аб'ект быў прададзены за Br84 тыс. 

Комплекс складаецца з 26 аб'ектаў нерухомай маёмасці: спальныя карпусы, фоталабараторыя, адміністрацыйны будынак, гаспадарчае памяшканне і інш. Для абслугоўвання аб'ектаў выдзелены зямельны ўчастак плошчай 0,4563 га тэрмінам на 50 гадоў. Новы ўласнік таксама зможа правесці рэканструкцыю комплексу пад аб'екты грамадскага прызначэння.

Для даведкі: Інфармацыю аб аб'ектах, якія прапануюцца да арэнды і бязвыплатнага карыстання, а таксама да продажу аж за базавую велічыню, шукайце ў Адзінай інфармацыйнай базе даных невыкарыстоўваемай маёмасці.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/u-grodzenskaj-voblastsi-na-auktsyene-pradadzeny-soty-nevykarystouvaemy-abekt-neruxomaj-maemastsi-8742/