У «Магілёўдзіпраземе» абмеркавалі змяненні і дапаўненні Канстытуцыі Рэспублікі Беларусь

У Праектным інстытуце «Магілёўдзіпразем» прайшла дыялогавая пляцоўка па пытаннях змянення і дапаўнення Канстытуцыі Рэспублікі Беларусь. У якасці спікераў на мерапрыемстве выйшлі дэпутат Палаты прадстаўнікоў Нацыянальнага схода Людміла Здорыкава і старшыня Магілёўскай абласной арганізацыі Беларускага прафсаюза работнікаў лесу і прыродакарыстання Іван Трамбачоў.

У ходзе дыскусіі была акцэнтавана ўвага, што ў праект Асноўнага Закона ўключаны шэраг напрамкаў, якія закранаюць сацыяльную палітыку, абарону інстытута сям'і, інавацыйную сферу, забеспячэнне сацыяльнай справядлівасці, захаванне нацыянальнай самабытнасці і гістарычнай памяці.

Таксама спікеры падрабязна спыніліся на замацаванні ў Канстытуцыі новага інстытута народаўладдзя – Усебеларускага народнага сходу, якому ў праекце адведзена новая глава, дзе прапісаны яго кампетэнцыі.

Акрамя таго было адзначана, што сёння ў краіне разгарнулася шырокае абмеркаванне змяненняў у Асноўны Закон, якія накіраваны на далейшае дынамічнае развіццё суверэннай беларускай дзяржавы. 

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/u-magileuddiprazeme-abmerkavali-zmjanenni-i-dapaunenni-kanstytutsyi-respubliki-belarus-8923/