У РУП «Гродзенскае агенцтва па дзяржаўнай рэгістрацыі і зямельным кадастры» падвялі вынікі работы

У Рэспубліканскім унітарным прадпрыемстве «Гродзенскае агенцтва па дзяржаўнай рэгістрацыі і зямельным кадастры» падвялі вынікі работы за першае паўгоддзе 2020 года.

Падчас збору працоўнага калектыву абмяркоўвалася дынаміка асноўных вытворчых і эканамічных паказчыкаў работы прадпрыемства. Таксама былі прааналізаваны дасягнутыя вынікі і далейшыя шляхі рашэння найважнейшай задачы – выкананне комплексу паслуг па кіраванні нерухомай маёмасцю на ўсім жыццёвым цыкле аб'екта: пачынаючы з устанаўлення граніц зямельнага ўчастка, аказання геадэзічных паслуг, распрацоўкі архітэктурнага праекта, інвентарызацыі і дзяржаўнай рэгістрацыі аб'екта і праў на яго, шырокага спектра здзелак з нерухомай маёмасцю і заканчваючы яго страхаваннем.

Трэба адзначыць, што вялікім дасягненнем у рэалізацыі дадзенай задачы стала ўкараненне прынцыпова новай для прадпрыемства паслугі – аказанне дапамогі па ўрэгуляванні спрэчак праз працэдуру медыяцыі спецыялістамі прадпрыемства.

У рамках пасяджэння дырэктар агенцтва Валерый Кулакоўскі адзначыў, што за мінулы перыяд 2020 года ва ўмовах складанай санітарна-эпідэміялагічнай абстаноўкі прадпрыемству ўдалося не толькі забяспечыць меры бяспекі для калектыву і кліентаў, але і не дапусціць зрываў тэрмінаў і аб'ёмаў выканання сваіх абавязацельстваў перад заказчыкамі. Апрача гэтага, далейшыя намаганні кіраўніцтва па-ранейшаму накіраваны на ўмацаванне матэрыяльна-тэхнічнай базы ўсяго прадпрыемства. Асноўны акцэнт зараз зроблены таксама на абнаўленні IT-інфраструктуры для павышэння функцыянальных магчымасцей і тэхнічнага патэнцыялу арганізацыі.

Разам з тым, як падкрэсліў дырэктар прадпрыемства, у мэтах забеспячэння своечасовага, комплекснага і якаснага абслугоўвання кліентаў, павышэння прадукцыйнасці працы работнікаў прадпрыемства, дзейнасць кіраўніцтва накіравана на развіццё экстэрытарыяльнага прынцыпу падачы дакументаў для аказання паслуг насельніцтву і стварэнне бяспечных умоў працы на прадпрыемстве. 

У завяршэнні пасяджэння ўсе прысутныя змаглі падзяліцца назапашаным вопытам, абмеркаваць практычныя пытанні і шляхі іх вырашэння.

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/u-rup-grodzenskae-agentstva-pa-dzjarzhaunaj-registratsyi-i-zjamelnym-kadastry-padvjali-vyniki-raboty-7252/