Узброеныя Сілы Беларусі выказалі падзяку старшыні Дзяржкаммаёмасці

У сістэме Дзяржаўнага камітэта па маёмасці працуе не толькі патрыятычна настроеная моладзь, але і спецыялісты, якія лічаць, што служба ў сучаснай беларускай арміі для кожнага маладога чалавека – гэта выкананне свяшчэннага абавязку па абароне Айчыны. 

Так, камандаванне вайсковай часці, дзе кансультант аддзела лічбавай трансфармацыі Дзяржкаммаёмасці Павел Турута праходзіў планавы навучальны збор па падрыхтоўцы ваеннаабавязаных па ваенна-ўліковай спецыяльнасці, выказала падзяку за добрасумленнае стаўленне работніка камітэта да воінскага абавязку.

У падзячным лісце было адзначана, што на працягу перыяду праходжання збораў Павел Турута паспяхова выконваў службовыя абавязкі, выяўляючы пры гэтым разумную ініцыятыву і старанне, а таксама зарэкамендаваў сябе са станоўчага боку. 

Як адзначыў сам Павел Турута, служба ў войску – гэта яшчэ адзін этап узмужнання і станаўлення як грамадзяніна Рэспублікі Беларусь. «Лічу, што кожнаму мужчыне важна ўдасканальвацца не толькі ў прафесійным плане, але і перыядычна папаўняць свае веды і ўменні па ваенна-ўліковай спецыяльнасці».

Вы можаце знайсці гэту старонку па наступным адрасе:
https://www.gki.gov.by/by/about-press-news-by/view/uzbroenyja-sily-belarusi-vykazali-padzjaku-starshyni-dzjarzhkammaemastsi-9181/