Адбыліся аўкцыёны па продажы малочна-таварных ферм у Гарадоцкім раёне

Рэкорднымі па працягласці і павелічэнні кошту сталі аўкцыёны, якія прайшлі ў камітэце «Віцебскаблмаёмасць», па продажы малочна-таварных ферм, размешчаных на тэрыторыі Гарадоцкага раёна.

Дадзеныя фермы раней выкарыстоўваліся ў вытворчай дзейнасці ААТ «Райаграпрамснаб», але з прычыны банкруцтва прадпрыемства ў 2018 годзе былі перададзены Гарадоцкаму райвыканкаму. 

Усе фермы на сённяшні дзень эксплуатуюцца – знаходзяцца ў арэндзе ў сельскагаспадарчых прадпрыемстваў. У мэтах найбольш эфектыўнага іх выкарыстання Гарадоцкім райвыканкамам у 2020 годзе было прынята рашэнне аб іх продажу на аўкцыёне за адну базавую велічыню. 

Рэкордным лотам стаў жывёлагадоўчы комплекс, размешчаны ў Даўгапольскім сельсавеце, 1985 года пабудовы і агульнай плошчай 5724 м.кв. Аб'ект выстаўляўся на аўкцыён з устанаўленнем пачатковага кошту, роўнага двум базавым велічыням. У ходзе таргоў кошт павялічыўся больш чым у 9000 раз, і на 93 кроку аўкцыёну жывёлагадоўчы комплекс быў прададзены за 490 002 руб. замежнаму сельскагаспадарчаму прадпрыемству. 

Апрача гэтага, былі таксама прададзены тры комплексы малочна-таварных ферм.

Для камітэта Віцебскаблмаёмасць гэта стаў ужо 92 выніковы аўкцыён сёлета. Сума выручаных сродкаў склала 3,1 млн. руб. Трэба адзначыць, што найбольш запатрабаванымі застаюцца аб'екты, якія выстаўляюцца на аўкцыён за базавую велічыню.