14.10.2021
Адбылося пасяджэнне XLIII сесіі Міждзяржаўнага савета па геадэзіі, картаграфіі, кадастру і дыстанцыйнаму зандзіраванню Зямлі
Сёння ў фармаце відэа-конференц-сувязі адбылася XLIII сесія Міждзяржаўнага савета па геадэзіі, картаграфіі, кадастру і дыстанцыйнаму зандзіраванню Зямлі.
У рабоце сесіі прынялі ўдзел кіраўнікі і прадстаўнікі геадэзічных служб Азербайджана, Арменіі, Беларусі, Казахстана, Кыргызстана, Малдовы, Расіі, Таджыкістана, Узбекістана, а таксама прадстаўнікі Выканаўчага камітэта СНД.
Дзяржаўны камітэт па маёмасці прадставілі намеснік Старшыні Мікалай Бобер і члены рабочых груп, якія ўваходзяць у структуру камітэта.
У ходзе пасяджэння былі разгледжаны пытанні выканання рашэнняў XLII сесіі Міждзяржаўнага савета, а таксама дзейнасць геадэзічных служб дзяржаў - удзельніц СНД у міжсесіённы перыяд. Акрамя таго, удзельнікі пасяджэнні абмеркавалі Канцэпцыю супрацоўніцтва дзяржаў - удзельніц СНД у сферы геадэзіі, картаграфіі, геаінфармацыйных тэхналогій, дыстанцыйнага зандзіравання Зямлі, кадастру і рэгістрацыі праў да 2025 года і План мерапрыемстваў («дарожную карту») па рэалізацыі напрамкаў дзейнасці Міждзяржаўнага савета да 2025 года.
Дакладываючы аб дзейнасці Дзяржкаммаёмасці, Мікалай Бобер адзначыў, што з 2021 года работа камітэта і падначаленых яму арганізацый накіравана на рэалізацыю задач, вызначаных Дзяржаўнай праграмай «Зямельна-маёмасныя адносіны, геадэзічная і картаграфічная дзейнасць» на 2021–2025 гады.
Апрача гэтага, намеснік Старшыні дадаў, што развіццё інфарматызацыі і лічбавая трансфармацыя з'яўляюцца стратэгічнымі напрамкамі дзейнасці сістэмы Дзяржкаммаёмасці і звязаных з імі галін эканомікі – спажыўцоў прасторавых даных. «У цяперашні час мы ўжо прыступілі да стварэння Нацыянальнай інфраструктуры прасторавых даных – сучаснай сістэмы доступу і каардынацыі працэсу стварэння і прадастаўлення карыстальнікам прасторавых даных. Ядром гэтай сістэмы стане Нацыянальны геапартал», – сказаў Мікалай Бобер.
Таксама было адзначана, што ў 2021 годзе працягваецца рэалізацыя плана мерапрыемстваў па пераходзе да прымянення на тэрыторыі Беларусі геацэнтрычнай сістэмы адліку каардынат і сістэмы адліку нармальных вышынь і падыходзяць да завяршэння запланаваныя работы па геадэзічным і картаграфічным забеспячэнні дэлімітацыі, дэмаркацыі і праверкі праходжання лініі Дзяржаўнай граніцы Рэспублікі Беларусь.
Мікалай Бобер таксама праінфармаваў аб падсістэме ўчынення рэгістрацыйных дзеянняў аўтаматызаванай інфармацыйнай сістэмы вядзення Адзінага дзяржаўнага рэгістра нерухомай маёмасці, праў на яе і здзелак з ёй у рэжыме рэальнага часу – NKA_NET 3, якая ў цяперашні час укаранёна ў 112 з 125 тэрытарыяльных арганізацыях па дзяржаўнай рэгістрацыі. Завяршэнне ўкаранення плануецца да 1 снежня цяперашняга года.
Апошнія навіны
