Апошні з аб'ектаў незавершанага будаўніцтва ў Баранавічах прададзены на электронных таргах

Незавершаны будаўніцтвам будынак мясатлушчавага корпуса ў г. Баранавічы быў прададзены на 2384 кроку электронных таргоў паміж двума ўдзельнікамі на электроннай гандлёвай пляцоўцы ААТ «Беларуская ўніверсальная таварная біржа». Кошт аб'екта склаў болей 9,6 тыс. рублёў пры пачатковым кошце, роўным адной базавай велічыні. Гэты была трэцяя спроба прадаць дадзены будынак.

На трох аб'ектах, прададзеных на працягу 2019 і 2020 гадоў, зараз вядуцца работы па пераабсталяванні іх пад патрэбы ўладальнікаў, яшчэ на двух – праводзіцца падрыхтоўка да будоўлі.

Вынік дасягнуты дзякуючы праведзенай дзейнасці па фарміраванні асобных лотаў з комплексу аб'ектаў незавершанага будаўніцтвам камбіната, па якому на працягненні 26 гадоў не спыняліся спробы ўцягнуць у гаспадарчы абарот цалкам. Двойчы гэты аб'ект перадаваўся інвестарам і абодва разы вяртаўся ў гарадскую камунальную ўласнасць за невыкананне ўмоў уцягнення. 

У 2018 годзе ў ходзе фарміравання комплекснага плана развіцця г. Баранавічы было прынята рашэнне знесці найбольш праблемную частку аднаго са збудаванняў, а астатнюю – падзяліць на лоты, сфарміраваўшы пад кожны асобныя зямельныя ўчасткі. Усе яны былі выстаўлены на электронныя таргі і прададзены на аўкцыёнах адзіным удзельнікам па пачатковым кошце, роўным адной базавай велічыні. У цяперашнім годзе лоты, вызначаныя раней на продаж, былі скарэкціраваны, і частка са збудаванняў была знесена.