Апублікаваны змяненні да тэхнічных кодэксаў устаноўленай практыкі аб ацэнцы кошту аб'ектаў грамадзянскіх праў

На Нацыянальным прававым Інтэрнэт-партале Рэспублікі Беларусь афіцыйна апублікаваны змяненні да тэхнічных кодэксаў устаноўленай практыкі аб ацэнцы кошту аб'ектаў грамадзянскіх праў.

змяненне № 1 да тэхнічнага кодэкса ўстаноўленай практыкі ТКП 52.3.03-2013 (03150) «Ацэнка кошту аб'ектаў грамадзянскіх праў. Ацэнка кошту шматгадовых насаджэнняў», зацверджанае загадам Дзяржаўнага камітэта па маёмасці Рэспублікі Беларусь ад 29 снежня 2018 г. № 263 «Аб зацвярджэнні і ўвядзенні ў дзеянне тэхнічных нарматыўных прававых актаў» (рэгістрацыйны нумар Нацыянальнага рэестра 8/33906);

змяненне № 1 да тэхнічнага кодэкса ўстаноўленай практыкі ТКП 52.6.01-2015 (33520) "Ацэнка кошту аб'ектаў грамадзянскіх праў. Ацэнка кошту дарожных транспартных сродкаў", зацверджанае загадам Дзяржаўнага камітэта па маёмасці Рэспублікі Беларусь ад 14 студзеня 2019 г. № 5 «Аб зацвярджэнні і ўвядзенні ў дзеянне тэхнічнага нарматыўнага прававога акта» (рэгістрацыйны нумар Нацыянальнага рэестра 8/33910).

Дзяржкаммаёмасць звяртае ўвагу, што згодна названым загадам прызначаныя тэхнічныя нарматыўныя прававыя акты ўводзяцца ў дзеянне пасля афіцыйнага апублікавання на Нацыянальным прававым Інтэрнэт-партале Рэспублікі Беларусь.