Дадзены афіцыйны старт другому па колькасці ў Беларусі праекту Тwinning «Умацаванне патэнцыялу для кіравання геапрасторавымі данымі і забеспячэння іх функцыянальнай сумяшчальнасці Нацыянальным кадастравым агенцтвам»

Праект міжнароднай тэхнічнай дапамогі адобраны Урадам. Адпавядаючыя пастанова Савета Міністраў Рэспублікі Беларусь ад № 760 прынята 13 лістапада 2019 года і ўступіла ў сілу. Рашэнне прынята на падставе прапаноў Камісіі па пытаннях міжнароднага тэхнічнага супрацоўніцтва пры Савеце Міністраў Рэспублікі Беларусь. 

Праект Тwinning «Умацаванне патэнцыялу для кіравання геапрасторавымі данымі і забеспячэння іх функцыянальнай сумяшчальнасці Нацыянальным кадастравым агенцтвам», каардынатарам  якога з'яўляецца Дзяржкаммаёмасць, – гэта кансалтынгавы праект у рамках ініцыятывы Еўрапейскага саюза «Усходняе партнёрства». На яго рэалізацыю ЕС вылучыць каля 1,2 млн еўра, сродкі пойдуць на аплату работ прадстаўнікоў еўрапейскіх кампаній. Рэалізацыя праекта разлічана на 2019–2020 гады. Пасля рэгістрацыі праекта «Twinning» уся інфармацыя аб яго рэалізацыі будзе адкрытай.

Еўрапейская камісія падтрымала імкненне НКА пашырыць магчымасці ў рацыянальным і эфектыўным кіраванні прасторавымі данымі ў адпаведнасці з прынцыпамі функцыянальнай сумяшчальнасці. 

Мэта праекта – умацаванне патэнцыялу кіравання геапрасторавымі данымі і забеспячэнне іх інтэраперабельнасці Нацыянальнага кадастравага агенцтва, што дазволіць у далейшым пашырыць магчымасці Нацыянальнага кадастравага агенцтва Дзяржкаммаёмасці ў рацыянальным і эфектыўным кіраванні прасторавымі данымі ў адпаведнасці з прынцыпамі функцыянальнай сумяшчальнасці. 

Чакаецца таксама, што кіраванне геапрасторавымі данымі ў адпаведнасці з Тэхнічнымі дырэктывамі ЕС дазволіць у сваю чаргу павысіць эфектыўнасць выкарыстання прасторавых даных не толькі ў НКА, але і другіх дзяржаўных арганізацыях і мясцовых выканаўчых органах, уключаючы тапографа-геадэзічнае прадпрыемства «Белгеадэзія», для кіравання зямельнымі рэсурсамі і іншых мэт.

У праекце з боку ЕС прымуць удзел спецыялісты з Іспаніі і Галандыі. Па выніках праекта «Twinning» павінны быць дасягнуты чатыры асноўных выніка:

пашырэнне магчымасцей для абмену прасторавымі данымі па прынцыпах сумяшчальнасці Дырэктывы INSPIRE у Беларусі;

перадача еўрапейскага вопыту вызначэння і распрацоўкі прасторавых даных;

умацаванне патэнцыялу электронных паслуг Нацыянальнага кадастравага агенцтва;

умацаванне чалавечага патэнцыялу для вытворчасці, кіравання і абмена данымі.