Дыстанцыйны доступ да рэгістра нерухомай маёмасці атрымаў 1000-ы кліент

Дагавор на паслугу прадастаўлення дыстанцыйнага доступу да Адзінага дзяржаўнага рэгістра нерухомай маёмасці, праў на яе і здзелак з ёй праз Web-рэсурс GZK.NCA.BY быў аформлены на гэтым тыдні спецыялістамі Нацыянальнага кадастравага агенцтва Дзяржкаммаёмасці.  


Web-рэсурс GZK.NCA.BY быў створаны з мэтай дапамагчы грамадзянам і арганізацыям знайсці адказы на наступныя пытанні:  

як можна пазнаць інфармацыю аб аб’екце нерухомай маёмасці, не звяртаючыся пры гэтым наўпрост у арганізацыю па дзяржаўнай рэгістрацыі;

хто з’яўляецца  ўласнікам або праваўладальнікам праў аб’екта нерухомай маёмасці;

якія асноўныя характарыстыкі і абмежаванні аб’екта нерухомай маёмасці.

Штодзённае абнаўленне рэсурсу дазваляе кліентам атрымліваць самую актуальную на момант запыту інфармацыю аб правах на аб’ект нерухомай маёмасці. Дыстанцыйны доступ, які  могуць атрымаць як юрыдычныя, так і фізічныя асобы, дазваляе эканоміць час, неабходны для атрымання інфармацыі з рэгістра нерухомай маёмасці, знізіць выдаткі на папяровы дакументаабарот, а таксама, у залежнасці ад колькасці запытаў, зэканоміць і на памеры платы, якая збіраецца пры ажыццяўленні адміністрацыйнай працэдуры.