Дзяржаўнае прадпрыемства «Белгеадэзія» абнавіла свой афіцыйны Інтэрнэт-сайт

У цяперашні час сайт знаходзіцца ў стадыі абнаўлення і тэсціравання, таму ў яго рабоце магчымыя збоі і затрымкі. Прадпрыемства «Белгеадэзія» прыносіць свае прабачэнні карыстальнікам за часовыя прычыненыя нязручнасці.

Новая версія сайта для геадэзічнага рэспубліканскага ўнітарнага прадпрыемства «Белгеадэзія» распрацоўвалася з мэтай умацавання іміджу «Белгеадэзіі» як інавацыйнай, прафесійнай і адкрытай кампаніі, здольнай рэалізоўваць буйныя праекты, далейшага прасоўвання яе паслуг, у тым ліку, як лідэра рынку па паслугах Спадарожнікавай сістэмы дакладнага пазіцыянавання Рэспублікі Беларусь (ССДП РБ), прыцягнення новых кліентаў і партнёраў і эфектыўнага ўзаемадзеяння з цяперашнімі карыстальнікамі ССДП РБ.

Абноўлены сайт – гэта новы выгляд дзяржаўнага прадпрыемства «Белгеадэзія» у сетцы Інтэрнэт, а таксама зручная падача інфармацыі аб паслугах і напрамках дзейнасці кампаніі. Выкарыстоўваецца пашыраны функцыянал сайта з версіяй для  слабабачачых.

Пры распрацоўцы сайта быў прыменены сучасны стэк тэхналогій (англ. stack –  набор тэхналогій або інструментаў, які прымяняецца пры рабоце ў праектах і які ўключае мовы праграмавання, фрэймворкі, сістэмы кіравання базамі даных, кампілятары і г. д.), які дазваляе распрацоўваць такія праекты, з лёгкасцю іх маштабаваць і ўдасканальваць. Акрамя таго, гэты стэк  павінен забяспечыць сайту максімальную абарону ад шкодных пападанняў і спроб узлому.

Мэтавая аўдыторыя сайта – гэта перш-наперш кіраўнікі і супрацоўнікі прадпрыемстваў дзяржаўнага і прыватнага сектараў эканомікі, сферай дзейнасці якіх з’яўляюцца: геадэзія і картаграфія; будаўніцтва; сельская гаспадарка (дакладнае земляробства); лясная і водная гаспадарка; дарожнае і транспартнае забеспячэнне.

Асноўнае навігацыйнае меню ўключае ў сябе спасылкі на асноўныя раздзелы: Аб прадпрыемстве, ССДП РБ, Паслугі, Навіны, Навігацыйная карта. Кожная спасылка вядзе на адпаведную ўваходную старонку раздзела.