01.07.2021
Дзмітрый Матусевіч прадставіў новых кіраўнікоў падначаленых Дзяржкаммаёмасці арганізацый
Старшыня Дзяржаўнага камітэта па маёмасці Дзмітрый Матусевіч прадставіў працоўным калектывам Нацыянальнага кадастравага агенцтва і Цэнтра павышэння кваліфікацыі кіруючых работнікаў і спецыялістаў сістэмы Дзяржкаммаёмасці новых кіраўнікоў.
Так, генеральным дырэктарам Нацыянальнага кадастравага агенцтва стаў Міхаіл Хіль, дырэктарам Цэнтра павышэння кваліфікацыі – Валерый Барадзеня.
«Хачу адзначыць, што новымі кіраўнікамі назапашаны вялікі кіраўніцкі вопыт і дастатковы аб'ём ведаў, які спатрэбіцца ў рабоце на гэтых адказных пасадах. Упэўнены, дасягнутыя на сённяшні дзень працоўнымі калектывамі вынікі пад вашым кіраўніцтвам будуць павялічвацца», – сказаў Дзмітрый Матусевіч.
Кажучы аб далейшым развіцці Нацыянальнага кадастравага агенцтва, Міхаіл Хіль адзначыў, што будзе прадоўжана практыка выкарыстання сучасных тэхналогій шляхам распрацоўкі і ўкаранення новых інфармацыйных прадуктаў. «Ведамства праводзіць і рэалізуе палітыку ў сферы дзяржрэгістрацыі і тэхінвентарызацыі, таму менавіта Нацыянальнае кадастравае агенцтва павінна быць «фарватэрам» гэтага напрамку».
У сваю чаргу Валерый Барадзеня падкрэсліў, што павышэнне кваліфікацыі з'яўляецца неад'емнай часткай прафесійнага развіцця спецыялістаў. «Сёння мы павінны сфарміраваць доўгатэрміновыя арыенціры па развіцці навуковага патэнцыялу цэнтра. У сваёй рабоце лічу важным захаваць ужо існуючыя традыцыі і прыўнесці ў адукацыйны працэс новыя методыкі, праграмы і тэхналогіі», – дадаў новы дырэктар цэнтра.
Апошнія навіны
