Камітэт «Мінскаблмаёмасць» правёў аўкцыён па продажы нерухомай маёмасці

Камітэт «Мінскаблмаёмасць» правёў аўкцыён па продажы нерухомай маёмасці, якая знаходзіцца ва ўласнасці Пухавіцкага раёна.

Двухпавярховы будынак школы агульнай плошчай 1731,5 кв.м у в. Узляны Пухавіцкага раёна Мінскай вобласці набыў адзіны ўдзельнік аўкцыёну па пачатковым кошце, павялічаным на 5 %. Былы аб’ект сацыяльнай сферы новы ўласнік плануе выкарыстоўваць для размяшчэння вытворчасці экалагічна бяспечнай фарбы для малявання, а таксама пластыліну для дзіцячай творчасці.

Для ўсіх зацікаўленых паведамляем, што бліжэйшы аўкцыён па продажы нерухомай маёмасці, якая знаходзіцца ва ўласнасці Пухавіцкага раёна, прызначаны на 12 жніўня 2020 г. На таргі выстаўлены будынак сельскага Дома культуры ў в. Арэшкавічы, будынак бібліятэкі-клуба ў аг. Сяргеевічы і будынак школы ў в. Чырвоны Кастрычнік. Нерухомая маёмасць выстаўляецца з устанаўленнем пачатковага кошту продажу, які раўны адной базавай велічыні за кожны аб’ект.

Падрабязную інфармацыю можна атрымаць па тэлефонах: 8 (017) 516 80 54, 500 47 11.