На калегіі Дзяржкаммаёмасці сёння будзе разгледжана пытанне аб выкананні ТАА «Карпарацыя «Волма» абавязацельстваў па дагаворы куплі-продажу акцый ААТ «БЕЛГІПС»

Да ўдзелу ў рабоце пасяджэння запрошаны: прадстаўнікі Міністэрства архітэктуры і будаўніцтва, ТАА «Карпарацыя «Волма», ААТ «БЕЛГІПС». Дагавор куплі-продажу акцый паміж Дзяржаўным камітэтам па маёмасці і таварыствам з абмежаванай адказнасцю «Карпарацыя «ВОЛМА» (Расійская Федэрацыя) быў заключаны 21 студзеня 2014 года.

У адпаведнасці з Указам Прэзідэнта Рэспублікі Беларусь ад 16 студзеня 2014 года № 34 «Аб некаторых пытаннях адкрытага акцыянернага таварыства «БЕЛГІПС» і дагаворам належачыя Рэспубліцы Беларусь 1 млн 978 тыс. 75 акцый (99,5% статутнага фонда) ААТ «БЕЛГІПС» былі прададзены ТАА «Карпарацыя «ВОЛМА» па рыначным кошце за $5,27 млн.

Акцыі былі прададзены на ўмовах заключэння ТАА «Карпарацыя «Волма» з беларускай дзяржавай інвестыцыйнага дагавора аб рэалізацыі інвестпраекта па мадэрнізацыі дзеючай вытворчасці ААТ «БЕЛГІПС» і будаўніцтве ў пасёлку Гатава пад Мінскам завода па вытворчасці будаўнічых матэрыялаў на аснове гіпсу.

Дагаворам таксама прадугледжвалася, што «Волма» да 1 чэрвеня 2019 года інвесціруе ў праект не менш 47 млн еўра.