Найлепшую выніковасць продажаў невыкарыстоўваемай дзяржмаёмасці ў Гомельскай вобласці сёлета паказалі электронныя таргі

З пачатку 2019 года на электроннай гандлёвай пляцоўцы Беларускай універсальнай таварнай біржы камітэтам «Гомельаблмаёмасць» было арганізавана 7 электронных таргоў. Удзел у іх прынялі 53 прэтэндэнта, 13 аб'ектаў было прададзена, што на сённяшні дзень з'яўляецца  лепшым паказчыкам у рэспубліцы.

Вынікі продажаў дзяржаўнай маёмасці на аўкцыённых таргах у Гомельскай вобласці разгледзелі на калегіі камітэта «Гомельаблмаёмасць», а таксама на пасяджэнні былі выпрацаваны канкрэтныя прапановы і даручэнні па павышэнні эфектыўнасці выкарыстання дзяржаўнай маёмасці.

У цэлым у 2019 годзе ў Гомельскай вобласці запланавана ўцягнуць у гаспадарчы абарот шляхам продажу з аўкцыёнаў 227 невыкарыстоўваемых аб'ектаў дзяржаўнай маёмасці, з якіх 41 знаходзіцца ў рэспубліканскай уласнасці.

Па стане на 1 верасня 2019 года ў вобласці было праведзена 32 аўкцыёна па продажы аб'ектаў рэспубліканскай уласнасці, дзе было выстаўлена 72 лота і прададзена 14 аб'ектаў на суму амаль 430 тысяч рублёў.

Што тычыцца ўцягнення аб'ектаў, якія знаходзяцца ва ўласнасці Гомельскай вобласці і яе адміністрацыйна-тэрытарыяльных адзінак, то тут з аўкцыёнаў у цяперашнім годзе запланавана прадаць 186 такіх аб'ектаў.

Да пачатку восені па дадзеных аб'ектах ужо праведзены 51 аўкцыён, на якіх было выстаўлена 294 лота. У выніку прададзена 42 аб'екта на агульную суму болей 1,1 млн. рублёў.

Як і ў папярэднія гады, адзначаюць у камітэце «Гомельаблмаёмасць», сярод пакупнікоў найбольшай папулярнасцю карыстаюцца аб'екты з максімальным паніжэннем кошту і за базавую велічыню. Аналіз, праведзены камітэтам, паказаў, што аб'екты набываюцца для далейшага выкарыстання пад вытворчасць, гандаль, адміністрацыйныя і другія мэты.

Акрамя таго, сёння ў Гомельскай вобласці гатовы прапанаваць да набыцця яшчэ 173 аб'екта з рознымі характарыстыкамі: плошчай ад 50 да 10 000 кв. м, камунікацыямі і інфраструктурай, месцаразмяшчэннем