Пытанні сумеснага домаўладання ў нежылым капітальным збудаванні можна абмеркаваць на Прававым форуме

На грамадскае абмеркаванне вынесены праект пастановы Савета Міністраў Рэспублікі Беларусь «Аб рэалізацыі Закона Рэспублікі Беларусь ад 4 студзеня 2021 г. № 78-З «Аб змяненні Закона Рэспублікі Беларусь «Аб сумесным домаўладанні».

Прадметам прававога рэгулявання праекта з'яўляюцца грамадскія адносіны па сумесным домаўладанні ў нежылым капітальным збудаванні (будынку, пабудове).

У прыватнасці, праектам прадугледжана зацвярджэнне палажэнняў аб парадку:

• выплаты абавязковых плацяжоў у адносінах да агульнай маёмасці сумеснага домаўладання ў выпадку распалажэння ў нежылым капітальным збудаванні (будынку, пабудове) жылых ізаляваных памяшканняў;
• заключэння дагавораў на аказанне камунальных паслуг, а таксама па разліку і ўнясенні платы за камунальныя паслугі ў адносінах да агульнай маёмасці сумеснага домаўладання;
• правядзення мясцовым выканаўчым і распарадчым органам або ўпаўнаважанай ім арганізацыяй адкрытага конкурсу па выбары ўпаўнаважанай асобы;
• фарміравання і вядзення дзяржаўнага рэестра арганізацый, якія могуць выступаць упаўнаважанай асобай па кіраванні агульнай маёмасцю сумеснага домаўладання.

Таксама устанаўліваецца:

• пералік дадатковых паслуг, звязаных з абслугоўваннем агульнай маёмасці сумеснага домаўладання ў нежылым капітальным збудаванні;
• патрабаванні да зместу бюлетэня для галасавання і парадак яго запаўнення.

Свае заўвагі і прапановы можна выказаць у спецыяльнай тэме на Прававым форуме Беларусі па 12 мая 2021 г.