Распрацоўку базы геадэзічных даных Беларусі абмеркавалі на Навукова-тэхнічным савеце Дзяржкаммаёмасці

Адбылося пасяджэнне секцыі геадэзіі і картаграфіі Навукова-тэхнічнага савета Дзяржаўнага камітэта па маёмасці. Асноўная тэма мерапрыемства – пытанні распрацоўкі інфармацыйнага рэсурсу «База геадэзічных даных Рэспублікі Беларусь».

У ходзе пасяджэння дакладчыкамі было адзначана, што база геадэзічных даных будзе служыць як інструментам, які забяспечвае новы ўзровень аперыравання вялікім аб'ёмам геадэзічных даных, так і сучасным сродкам давядзення да спажыўцоў актуальных геадэзічных даных, якія рэалізуюць нацыянальныя сістэмы адліку каардынат і вышынь, а таксама мясцовыя сістэмы каардынат.

Апрача гэтага, даступнасць усіх узроўняў спажыўцоў інфармацыйнага рэсурсу да якаснай і дакладнай геадэзічнай інфармацыі дазволіць забяспечыць аднароднасць, а, значыць, і высокую ступень спалучэння, як па аператыўнасці, так і па верагоднасці ўсёй геапрасторавай інфармацыі, якая ствараецца ў Рэспубліцы Беларусь.