Старшыня Дзяржаўнага камітэта па маёмасці Дзмітрый Матусевіч наведаў Філіял сельскагаспадарчага комплексу ЗАТ «Вітэкс»

Старшыня Дзяржаўнага камітэта па маёмасці Дзмітрый Матусевіч здзейсніў рабочую паездку ў в.Цеплень (Уздзенскі р-н, Мінская вобласць), дзе наведаў Філіял сельскагаспадарчага комплексу ЗАТ «Вітэкс».

Асноўнай мэтай візіту з'яўляўся разгляд магчымасці адабрання зямельнага ўчастка з сельскагаспадарчых зямель ЗАТ «Вітэкс» і  давання яго ў арэнду СП «БЕЛІТА» ТАА для будаўніцтва і абслугоўвання будынка спецыялізаванага склада, неабходнага для арганізацыі захоўвання сыравіны і гатовай прадукцыі прадпрыемства.

Па выніках візіту і вывучэння Дзяржаўным камітэтам па маёмасці гэтага пытання было прынята станоўчае рашэнне аб адабранні зямельнага ўчастка.

У Філіяле сельскагаспадарчага комплексу ЗАТ «Вітэкс» размяшчаецца комплексная прамысловая зона, дзе пабудаваны вытворчыя і перапрацоўчыя цэхі. Сюды перанесены цэх па вытворчасці тары і ўпакоўкі, адкрыты цэх па вытворчасці касметыкі № 2, у якой наладжаны выпуск прадукцыі ў аэразольнай упакоўцы, тавараў бытавой хіміі і другой прадукцыі, а таксама асвоена вытворчасць шырокага асартыменту экстрактаў з расліннай сыравіны.

Акрамя таго, Дзмітрый Матусевіч сустрэўся з працоўным калектывам Філіяла і адказаў на ўсе пытанні работнікаў.