У Дзяржаўным камітэце па маёмасці адбылося пасяджэнне калегіі

Сёння ў Дзяржаўным камітэце па маёмасці адбылося пасяджэнне калегіі, у ходзе якога абмяркоўваліся пытанні стану інфармацыйных рэсурсаў (далей – ІР) і інфармацыйных сістэм (далей – ІС) камітэта, а таксама прапановы па іх развіццю ў 2021-2025 гадах.

З прывітальным словам да прысутных звярнуўся Старшыня Дзяржкаммаёмасці Дзмітрый Матусевіч: «Азнаёміўшыся з матэрыяламі калегіі, хачу адзначыць, што на сённяшні дзень у Дзяржаўным камітэце па маёмасці зроблена вялікая работа і, аб'ектыўна ацэньваючы, мы з'яўляемся адным з лідэраў у лічбавай трансфармацыі ў краіне. Зыходзячы з гэтага, Дзяржкаммаёмасць можа быць донарам нашых тэхналогій для другіх галін. Аднак ёсць надзённыя пытанні, якія сёння нам трэба абмеркаваць».

У рамках пасяджэння калегіі з дакладам выйшаў намеснік начальніка ўпраўлення аналітычнай работы, развіцця галіны і інфарматызацыі – начальнік аддзела развіцця галіны і інфарматызацыі Дзмітрый Качан.

«У сістэме Дзяржкаммаёмасці ў рамках лічбавізацыі курыруемых напрамкаў дзейнасці з мэтай павышэння выніковасці праводзімай ёй работы прымаюцца актыўныя меры па стварэнні, развіцці і суправаджэнні ІР/ІС для збору, апрацоўкі, захоўвання і давання прасторавых і іншых даных. Фарміруемыя Дзяржкаммаёмасцю рэсурсы і сістэмы з'яўляюцца базісам і эфектыўнымі інструментамі не толькі кіравання зямельнымі рэсурсамі, нерухомай маёмасцю, але і развіцця іншых сфер нацыянальнай эканомікі, забеспячэння абароназдольнасці і бяспекі дзяржавы», – сказаў Дзмітрый Качан.

Апрача гэтага, было адзначана, што інфармацыйны ландшафт сістэмы Дзяржкаммаёмасці прадстаўлены сукупнасцю ІР/ІС рознай накіраванасці, маёмаснай прыналежнасці, прызначэннем, прынцыпамі пабудовы і работы, а таксама адпаведным нарматыўна-прававым забеспячэннем. Створана і зарэгістравана ва ўстаноўленым парадку 8 інфармацыйных сістэм і 34 інфармацыйных рэсурса. Таксама вядуцца работы па стварэнні і наступнай рэгістрацыі яшчэ 2 інфармацыйных сістэм.

У ходзе выступлення Дзмітрый Качан таксама падкрэсліў, што асноўным напрамкам дзейнасці па лічбавізацыі на перыяд 2021–2025 гг. будзе з'яўляцца фарміраванне адзінага інфармацыйнага асяроддзя Дзяржкаммаёмасці для забеспячэння эфектыўнай інфармацыйнай падтрымкі працэсу кіравання сістэмай камітэта, а таксама працэсамі дзейнасці падначаленых арганізацый.