У Мінскай вобласці ў бязвыплатнае карыстанне гатовы перадаць 37 аб'ектаў нерухомай маёмасці

У Мінскай вобласці ў бязвыплатнае карыстанне суб'ектам гаспадарання гатовы перадаць 37 аб'ектаў нерухомай маёмасці. 

«Сфарміраваны спіс, які ўключае ў сябе 37 аб'ектаў нерухомай маёмасці, якія гатовы перадаць суб'ектам гаспадарання пад стварэнне рабочых месцаў у Мінскай вобласці. Разгарнуць бізнес без задзейнічання грашовых сродкаў на набыццё аб'екта нерухомай маёмасці або выплату арэнднай платы прапаноўваем на базе будынкаў былых школ, дзіцячых садоў, клубаў і бібліятэк, якія ў асноўным размешчаны ў сельскай мясцовасці», – расказалі ў камітэце «Мінскаблмаёмасць».

Сярод вартых увагі аб'ектаў, якія ўвайшлі ў спіс аб'ектаў нерухомай маёмасці, – былы санаторый-прафілакторый «Плёсы» у Маладзечанскім раёне і сядзібны дом графа Патоцкага ў Беразіне.

За апошнія тры гады з насельніцтвам у Мінскай вобласці заключана 11 дагавораў аб бязвыплатным карыстанні аб'ектаў нерухомай маёмасці з умовай стварэння рабочых месцаў. Па большай частцы задзейнічаны ўчасткі ў сельскай мясцовасці. Так, у мінулым годзе ў бязвыплатнае карыстанне на пяць гадоў з умовай стварэння пяці рабочых месцаў таварыству з абмежаванай адказнасцю быў перададзены будынак былога дзіцячага сада ў вёсцы Асіповічы Вілейскага раёна. На месцы адкрыта крама рознічнага гандлю, а таксама фасуюцца крупы для іх далейшай рэалізацыі.