Удасканалены парадак кансервацыі дзяржаўнай маёмасці

Саветам Міністраў Рэспублікі Беларусь 28 ліпеня 2021 г. прынята пастанова № 431 «Аб кансервацыі маёмасці». Дакумент выдадзены ў мэтах комплекснага і аднастайнага прававога рэгулявання грамадскіх адносін па кансервацыі дзяржаўнай маёмасці. Пастанова Савета Міністраў Рэспублікі Беларусь ад 22 мая 2003 г. № 683 «Аб парадку кансервацыі асноўных сродкаў» прызнаецца страціўшай сілу.

У прыватнасці, пастановай вызначаны адзіны парадак кансервацыі дзяржаўнай маёмасці, якая знаходзіцца як ва ўласнасці Рэспублікі Беларусь, так і ва ўласнасці адміністрацыйна-тэрытарыяльных адзінак. Пры кансервацыі прадугледжана стварэнне адной камісіі замест дзвюх, прадугледжаных у цяперашні час. Пастановай павялічаны тэрмін прадаўжэння кансервацыі, у тым ліку больш аднаго разу, да двух гадоў, а таксама замацаваны абавязак прадстаўлення ў падатковыя органы па месцы пастаноўкі на ўлік арганізацыі і па месцы знаходжання нерухомай дзяржаўнай маёмасці актаў аб кансервацыі.

У адносінах да маёмасці, якая знаходзіцца ў прыватнай уласнасці, пастановай прадастаўлена права юрыдычным асобам недзяржаўнай формы ўласнасці ўсталёўваць парадак кансервацыі гэтай маёмасці па падставах, прадугледжаных Палажэннем аб парадку кансервацыі асноўных сродкаў, зацверджаным гэтай пастановай.

Капітальныя пабудовы (будынкі, збудаванні), закансерваваныя ў парадку, устаноўленым пастановай № 431, згодна з падпунктам 1.7 пункта 1 артыкула 228 Падатковага кодэкса Рэспублікі Беларусь вызваляюцца ад падатку на нерухомую маёмасць у арганізацый-плацельшчыкаў.

Пастанова дазволіць замацаваць на ўзроўні нарматыўнага прававога акта практыку па кансервацыі дзяржаўнай маёмасці, якая склалася, забяспечыць суладдзе дзеянняў дзяржаўных органаў і арганізацый, мясцовых выканаўчых і распарадчых органаў, іх структурных падраздзяленняў, дзяржаўных юрыдычных асоб у дадзеным напрамку.

Пастанова ўступае ў сілу праз тры месяца пасля яе афіцыйнага апублікавання.