Удзельная вага невыкарыстоўваемых плошчаў у Гомельскай вобласці скарацілася да 1,23% – гэта самы нізкі паказчык у краіне

Па выніках першага паўгоддзя Гомельская вобласць заняла першае месца сярод абласцей па эфектыўнасці выкарыстання дзяржмаёмасці. За гэты тэрмін уцягнута ў гасабарот і знесена 134 аб'екта камунальнай уласнасці. 

Як расказалі ў камітэце «Гомельаблмаёмасць», з пачатку года было праведзена больш за 60 аўкцыёнаў, на якіх рэалізавана звыш 30 аб'ектаў на агульную суму 585 тысяч рублёў. На апошніх таргах прададзена яшчэ два будынкі – у Жыткавіцкім і Хойніцкім раёнах. Таргі праводзяць як у звычайным, так і ў электронным фармаце. Да канца верасня запланаваны яшчэ сем аўкцыёнаў.

Практыкуецца продаж нерухомай маёмасці добрасумленным арандатарам, якія карыстаюцца ёй без нараканняў болей трох гадоў. Сёлета прадалі сем такіх аб'ектаў на суму больш за 745 тысяч рублёў. А ўсяго з 2013 года па другі квартал 2021-га арандатарам прададзена 285 аб'ектаў.

Выкарыстоўваць для бізнесу або, напрыклад, вядзення падсобнай гаспадаркі такую нерухомую маёмасць з разраду «заброшак» дастаткова выгадна. Заканадаўствам прадугледжаны льготы і прэферэнцыі для новых уласнікаў, у прыватнасці, аплаціць кошт аб'екта, купленага на аўкцыёне, можна ў растэрміноўку да трох гадоў. А калі збудаванне размешчана за межамі горада, акружаючы яго зямельны ўчастак даецца ўладальніку без спагнання платы за права заключэння дагавора арэнды. І, канечне, ёсць самыя выгадныя прапановы – даволі буйныя аб'екты ў глыбінцы і не толькі ўсяго за адну базавую велічыню (29 рублёў). Праўда, на пакупніка накладаюцца канкрэтныя абавязацельствы па абыходжанню з гэтай маёмасцю.

Камітэт мае самую дакладную інфармацыю аб усёй дзяржаўнай нерухомай маёмасці, размешчанай на тэрыторыі вобласці. Для гэтага яго супрацоўнікі рэгулярна абследуюць населеныя пункты, аглядаюць будынкі, пабудовы і іншую маёмасць усіх форм уласнасці. Удзельная вага невыкарыстоўваемых плошчаў у Гомельскай вобласці скараціўся да 1,23% – гэта самы нізкі паказчык у краіне.