Увага карыстальнікам геадэзічных даных

Дзяржаўнае прадпрыемства «Белгеадэзія» інфармуе ўсіх карыстальнікаў, што ў 2018 годзе спецыялістамі прадпрыемства былі завершаны работы па рэканструкцыі гарадской геадэзічнай сеткі гарадоў Узда, Фаніпаль, Барысаў (Мінская вобласць) і пасёлкаў гарадскога тыпу Рось і Краснасельскі (Гродзенская вобласць). Ажыццёўлена перазакладка 25 пунктаў гарадской геадэзічнай сеткі г. Слуцка.

Прадпрыемствам выканана вызначэнне сувязі спадарожнікавай сістэмы дакладнага пазіцыянавання Рэспублікі Беларусь з геадэзічнымі сеткамі ўсіх населеных пунктаў на тэрыторыі Беларусі. Матэрыялы і даныя па выкананых работах перададзены на захоўванне ў Дзяржаўны картографа-геадэзічны фонд Рэспублікі Беларусь (Дзяржкартгеацэнтр).