Вынікі работы ў 2020 годзе падвялі ў камітэце Мінскаблмаёмасць

Адбылося пашыранае пасяджэнне калегіі камітэта дзяржаўнай маёмасці Мінскага абласнога выканаўчага камітэта, у ходзе якога былі падведзены вынікі работы па кіраванні дзяржмаёмасцю і вызначаны задачы на 2021 год.

У рамках калегіі было адзначана, што ў 2020 годзе паступленні ў бюджэт вобласці ад выкарыстання і рэалізацыі маёмасці камунальнай уласнасці ўзраслі ў параўнанні з 2019 годам на 23 % і склалі Br33,8 млн. 

Акрамя таго, прыняты меры па дзейснай аптымізацыі работы з невыкарыстоўваемымі аб'ектамі нерухомай маёмасці, сфарміраваны новыя механізмы рэгулявання гэтага працэсу. У выніку ў Мінскай вобласці ўцягнута ў гаспадарчы абарот або знесена 592 невыкарыстоўваемых аб'екта, у тым ліку 68 – якія знаходзіліся ў камунальнай уласнасці. 

Таксама ўзрасла выніковасць продажу дзяржаўнай нерухомай маёмасці. Так, у 2020 годзе прададзены 121 аб'ект на агульную суму амаль Br5 млн. Агульная плошча невыкарыстоўваемых аб'ектаў нерухомай маёмасці камунальнай уласнасці ў параўнанні з 2019 годам скарацілася. 

У рамках работы па дзяржаўнай падтрымцы суб'ектаў гаспадарання ва ўмовах сусветнай пандэміі ў Мінскай вобласці ў 2020 годзе дадзены льготы па арэнднай плаце за дзяржаўную нерухомую маёмасць у выглядзе зніжэння яе памеру або адтэрміноўкі выплат 127 арандатарам на агульную суму Br545 тыс.