Вызначаны парадак фарміравання, зацвярджэння і выканання (змянення) каляндарных графікаў па ўцягненні ў гаспадарчы абарот невыкарыстоўваемай і неэфектыўна выкарыстоўваемай дзяржаўнай маёмасці

15 лістапада 2019 года ўступае ў сілу пастанова Савета Міністраў Рэспублікі Беларусь ад 13 лістапада 2019 г. № 763 «Аб уцягненні ў гаспадарчы абарот невыкарыстоўваемай і неэфектыўна выкарыстоўваемай маёмасці».

Дакумент распрацаваны і прыняты ў мэтах рэалізацыі палажэнняў Указа Прэзідэнта Рэспублікі Беларусь ад 10 мая 2019 г. № 169 «Аб распараджэнні дзяржаўнай маёмасцю» і нарматыўна замацоўвае аднастайныя падыходы па ўцягненні ў эканамічны абарот невыкарыстоўваемай і неэфектыўна выкарыстоўваемай дзяржаўнай маёмасці.

У прыватнасці, пастановай вызначаецца парадак фарміравання, зацвярджэння і выканання (змянення) каляндарных графікаў па ўцягненні ў гаспадарчы абарот невыкарыстоўваемай і неэфектыўна выкарыстоўваемай дзяржаўнай маёмасці. 

Каляндарныя графікі будуць фарміравацца і зацвярджацца штогод дзяржаўнымі органамі і арганізацыямі, а таксама мясцовымі выканаўчымі камітэтамі на падставе звестак ведамаснай справаздачнасці «Справаздача аб выкарыстанні будынкаў, збудаванняў, ізаляваных памяшканняў, якія знаходзяцца ў дзяржаўнай уласнасці, а таксама аб выкананні ўмоў продажу такіх аб'ектаў» і Адзінага рэестра дзяржаўнай маёмасці.

Пастановай з улікам сфарміраванай практыкі канкрэтызаваны аб'екты нерухомай маёмасці, якія падлягаюць або не падлягаюць уключэнню ў каляндарныя графікі, і вызначаюцца спосабы іх уцягнення ў гаспадарчы абарот шляхам продажу, здачы ў арэнду, бязвыплатнай перадачы або ўнясення ў статутны фонд.

У выпадку неабходнасці ўнясення ў каляндарныя графікі змяненняў, у праект пастановы ўключаны нормы аб парадку і падставах іх унясення.

Зацверджаны пастановай парадак фарміравання каляндарных графікаў дазволіць забяспечыць скаардынаваную работу дзяржаўных органаў і арганізацый, а таксама мясцовых органаў улады па ўцягненні невыкарыстоўваемай і неэфектыўна выкарыстоўваемай дзяржаўнай маёмасці ў эканамічны абарот.